Beeld

Yolanda Dreyer se godsdiens-aktueel artikel in Maandag se Beeld handel oor hoe moeilik vergifnis is.

En dan is daar die oënskynlik gewone, “ordentlike” mense wat in die winkels loop en in die kerk sit.

Die broers, ooms, neefs, oupas, familievriende en selfs pa’s wat meisiekinders molesteer, verkrag.

Pyn wat nooit end kry nie. Vuil voel. Onwaardig. Dit sal net stop as die lewe self ophou. Selfmoordpogings. Probeer beheer kry oor die pyn. Kry dit uit. Gooi dit op (bulimie). Sny jou liggaam met ’n mes, want buitepyn gaan weg.

Binnepyn nie.

My ma en ek praat oor hierdie jong vroue. Ma sê: “En dan moet hulle net nie kom met vergewe nie!”

Maar hulle kom met vergewe.

Dominees en Christelike be-raders, welmenende Christen-vriende.

70 maal sewe. Jesus het gesê.

’n Pragtige jong vrou se familie huisves ’n molesteerder wat haar as kind geterroriseer het en nou nog probeer. Die familie kyk anderpad as dit kom by dié misdaad.

Die slagoffer moet vergewe.

Sy is mos ’n Christen!