Bedieninge

Hieronder is ‘n lys van bedieninge in die gemeente. By die meeste bedieninge is daar nog heelwat hulp nodig. Skakel gerus met die betrokke kontakpersoon en meld aan vir diens!

Wyksbediening

Ons wil graag in die gemeente ‘n hegte geloofsgemeenskap vorm wat mekaar ken, ondersteun en versorg. Die kleinste eenheid is ‘n wyk en ons eerste en belangrikste doel is om hierdie gemeenskap binne wyksverband te vestig. Dit is hoofsaaklik die taak van die wyksouderling en -diaken, bygestaan deur dienswerkers. Daar is nog ‘n paar wyke wat of nie ‘n ouderling of nie ‘n diaken het nie.

Kontakpersoon: Johan Smit (0126644335) jsmit@lytteltonoos.org.za

Kinderbediening

Elke Sondag om 09:00 vind daar drie kindereredienste plaas: vir die voorskoolse groep, vir die Gr 1-3's en vir die Gr 4-6'e. Daarna verdeel hulle in kategesegroepe. Verleen hulp met enige een van hierdie twee aktiwiteite.

Kontakpersoon: Petro Dalhouzie 082-326-1911

Tienerbediening

Wees 'n mentor vir 'n groep kinders Gr 7 – 10, help met die reëling van 'n koffiekroeg elke Sondagaand, of speel 'n instrument of sing in die jeugorkes.

Kontakpersoon: Petro Dalhouzie 082-326-1911

Erediensbediening

Die viering van die kerklike jaar as geleentheid vir geloofsgroei neem ‘n baie belangrike plek in ons gemeente in. Om die viering van die verskillende kerkjaartye te beplan en om die kerkgebou sinvol en smaakvol in te rig sodat die boodskap van die betrokke kerkjaartyd effektief oorgedra word deur middel van simboliek en kuns, het ons heelwat entoesiastiese en vaardige mense nodig.

Kontakpersoon: Freddie Schoeman (012-664-3751)

Inligtingstafel

Die inligtingstafel is die plek waar gemeentelede gaan om inligting oor die gemeente en die gemeente se aktiwiteite te bekom, in te skryf vir geleenthede of aankope te doen. Help om op Sondagoggende die inligtingstafel te bedryf.

Kontakpersoon: Alida Marais (082 412 6650) alida@universiteitsoord.co.za

Helpmekaarbediening

Het jy 'n besondere vaardigheid of talent waarmee jy dalk by geleentheid 'n ander gemeentelid mee kan help? Gee jou naam op by die inligtingstafel op 'n Sondagoggend tussen die twee eredienste. Het jy dalk hulp nodig? Gaan kyk op die lys op die kennisgewingbord in die ingangsportaal van die saal – net dalk is daar iemand wat jou uit 'n verknorsing kan red!

Kontakpersoon: Alida Marais (082 412 6650)

Projeksiebediening

Die projeksiebediening is ‘n integrale deel van die erediensbediening en is verantwoordelik daarvoor om tydens elke erediens die projeksie (m.a.w. dit wat teen die muur langs die preekstoel vertoon word) te hanteer.

Kontakpersoon: Willie Potgieter (082-908-3424) williep@vodamail.co.za

Klub Immergroen

Dit ons aksie wat op die senior lidmate in ons gemeente gerig is. Hulle bied op ‘n gereelde basis ‘n oggendtee aan en bring besoeke aan bejaardes en help met versorging waar moontlik.

Kontakpersoon: Gerty Basson (012-664-2433) g.basson@mweb.co.za

Tee-bediening

Elke Sondag word daar tussen die twee eredienste by die luik by die gemeentesentrum tee beskikbaar gestel sodat die gemeente heerlik rondom ‘n koppie tee kan staan en gesels. Meld aan vir 'n beurt om hiermee te help.

Kontakpersoon: Christa Saunders (012-664-3037)

Begrafnisbediening

Help om die bedroefde familie by te staan deur tee en eetgoed voor te berei en te bedien tydens begrafnisse.

Kontakpersoon: Ria Maree (012-664-3364)

Vroue-bediening

Hierdie bediening fokus op die behoeftes van ons vroue-lidmate. Gereelde byeenkomste en ander geleenthede word gereël.

Kontakpersoon: Antoinette van Rensburg (012-664-2481)

Herout

Die gemeente se maandelikse nuusbrief wat jy nou in jou hand hou kort 'n redaksie! Help om artikels te skryf, nuus in te samel en bladuitleg te doen.

Kontakpersoon: Freddie Schoeman (012-664-3751) of Max Amsenga (012-664-3629)

Gebedsbediening

Hierdie groep se taak is om die gemeente te mobiliseer om voorbidding te doen vir die gemeente en vir die koms van God se koninkryk op aarde.

Kontakpersoon: Hannelie du Preez (082-908-3992) hdupreez@momentum.co.za

Nuwe Intrekkerbediening

Ons wil graag alle nuwe intrekkers in ons gemeente so gou as moontlik deel van ons maak en hulle help om in te skakel.

Kontakpersoon: Carine Blignaut (012-664-3899)

Gemeenskapsveiligheid

Ons wil graag Lyttelton-Oos 'n misdaadvrye gebeid maak en so 'n diens lewer aan die gemeenskap waarin die Here ons geplaas het. Daarom het ons inisiatief geneem om 'n Gemeenskapsveiligheidkomitee op die been te bring waarby gemeentelede en ander inwoners in ons gemeenskap betrokke is.

Kontakpersone:
Pierre Hugo (082 957 5324)
Jaco van As (079 197 6267) jmva@lantic.net

Gesinsbediening

Gesinne, hetsy getroudes met of sonder kinders, enkellopendes of enkelouers, gaan hierdie jaar 'n belangrike fokuspunt in ons gemeente wees. Hierdie bediening kort nog 'n leierskap, struktuur en program. Help om dit te ontwikkel!

Kontakpersoon: Freddie Schoeman (012-664-3751) lyttoos@mweb.co.za

Webbladbediening

Ons gemeente se webblad word al hoe meer besoek en is besig om 'n belangrike bron van inligting en interaksie te word. Dit word in stand gehou deur Nico Fourie maar dit sal help as 'n paar persone verantwoordelikheid kan neem om verskillende gedeeltes van die webblad op datum te hou.

Kontakpersoon: Nico Fourie (0837810353)

Aksie Arbeiders vir die Oes

Hierdie onafhanklike aksie waarby ons gemeente betrokke is, is besig met talle projekte en bedieninge. Hulle bedryf die koffiekroeg op die hoek van Schoeman en Beatrix in Sunnyside, asook 'n "shelter" vir straatkinders in Salvokop. Verder het hulle ook gereelde uitreike na Lepele gemeente en ander Afrika lande. Vir meer besonderhede, besoek hulle webwerf by http://www.alharvest.co.za/

Eiendomskommissie

Hierdie bediening is verantwoordelik vir instandhouding van ons geboue, terreine en toerusting.

Kontakpersoon: Johan Bauer (0126642230) bauer@triconet.co.za

Siekesorg

Help om 'n siekesorgbediening op die been te bring! Die visie is om 'n groep mense te mobiliseer om siekes in die gemeente tuis en in die hospitaal te besoek en die gesin by te staan op praktiese maniere.

Kontakpersoon: Freddie Schoeman (0126643751) lyttoos@mweb.co.za



Dink jy dat daar dalk 'n leemte in die gemeente se bedieningsopset is? Of lê die Here 'n saak op jou hart wat nie deur een van die huidige bedieninge ondervang word nie? Of het jy 'n voorstel om te maak wat die gehalte van dienslewering in die gemeente kan verbeter? Skakel dan gerus met Freddie Schoeman (012-664-3751).